- A puedin acedi ae aree conciert dome lis personis cun mascarute in bon stât di conservazion.
- I compet a ogni pesone che e cjape part al event:
- la responsabilitât di vuardâsi, intes zonis comunis, dal svicinâsi masse e di mantignî la distance interpersonâl di almancul un metri (fale pes personis che a fasin part dal stes nucli familiâr, par convivents e pes personis che, stant aes disposizions in vore, no son obleadis al distanziament sociâl);
- di igjienizâsi dispès lis mans, doprant lis soluzions idroalcolichis metudis a disposizion in diviers ponts de aree; - Ae jentrade si scuen fâsi misurâ la temperadure dal cuarp midiant di un termoscanner. No saran fatis jentrâ, in nissun mût, lis personis che ur è stade rilevade une temperadure parsore dai 37,5°C. Lis personis cuntune temperadure plui alte a vignaran invidadis a slontanâsi.
- Lis sentis a son stadis plaçadis di mût di rispietâ lis distancis di sigurece. I puescj a son nominatîfs e numerâts, si che duncje, par resons di sigurece, nol è permetût:
- che la persone che e cjape part al event e sedi diferente di chê declarade tal moment dal acuist;
- cambiâsi di puest;
- cjapâ puest ta sentis che no sedin lis propriis, ancje se libaris. - Par cui che al compre i biliets sul puest, vie pe sere dal event, i puescj a vignaran pre assegnâts, cence pussibilitât di sielte. Par rispietâ l’oblic di regjistrazion des presincis, a ogni acuirent i vignarà domandât di dâ jù il so non. I dâts a vignaran tignûts cont par 14 dîs a tacâ de date dal conciert.
- No si podarà lâ fûr de aree dal conciert prime de fin dal event, fale che par câs specifics e autorizâts.
- Prime che al tachi l’event e ae fin si scuen lâ daûr des indicazions dal personâl di servizi pal rispiet des proceduris di acès e di jessude.
- Si racomande di presentâsi in anticip adeguât rispiet al orari di inizi dal conciert, di mût di sveltî lis jentradis. La jentrade ae aree dal conciert e vignarà organizade ta cheste maniere:
a tacâ des 7 di sere viertidure de bilietarie e jentradis:
- ritîr/verifiche biliets comprâts in linie;
- acuist biliet, par cui che no lu ves za comprât in prevendite, cun assegnazion puest e regjistrazion des presincis;
- misurazion de temperadure dal cuarp;
- control sui materiâi no ametûts – cjale la liste;
- jentrade conciert. - No rispietâ cualsisei pont dal regolament al compuarte la impussibilitât di partecipâ al conciert o il slontanament dal lûc dal spetacul.
AL È IMPROIBÎT MENÂ DENTRI:
- valîs, trolley, borsis, russacs (a son ametûts dome chei di dimensions piçulis, o ben grancj sù par jù tant che un sfuei A4)
- penis e pontadôrs laser
- bombulutis spray di cualsisei gjenar (cuintri i mussats, deodorants, profums...)
- nemâi di cualsisei gjenar e taie
- imprescj par regjistrâ audio o video, machinis fotografichis professionâls o semiprofessionâls, videocjamaris, GoPro, iPad e Tablet
- bevandis alcolichis di cualsisei gradazion
- bevandis dentri di latinis, butiliis di veri, buracjis di metal o butiliis di plastiche. (A son ametudis dome butiliis di plastiche di 0,5L o plui piçulis e dome cence tapon)
- bastons par selfie e trepîts, ombrenis, astis e cascs
- drons o aeroplans telecomandâts
- struments musicâi
- bicicletis, skateboard, patins, overboard
- tendis e sacs di durmî
- trombutis di stadi
- armis, materiâl esplosîf, fumogjens, pieris, cjadenis, curtìs e altris ogjets che a tain o a spice
- droghis
- velens, sostancis nocivis, materiâl inflamabil
AL È IMPROIBÎT ANCJE:
- acedi al conciert e restâ se si è cjocs o sot efiet di droghis
- meti fûr materiâl che al podedi impedî la visibilitât di chei altris spetatôrs o che al interferissi cu la segnaletiche di emergjence o che, dut câs, al sedi di intric aes viis di fughe viers des jessudis
- davuelzi cualsisei gjenar di ativitât comerciâl che no sedi stade autorizade prime, in maniere scrite, de societât organizadore dal event
- meti in vore ats agressîfs intai confronts dal personâl assegnât al control
- causionâ dams o rompi in cualsisei maniere struturis, infrastruturis e servizis dal implant
- rimpinâsi parsore di balustradis, parepets, divisôrs e altris struturis no destinadis ae permanence dal public
- fermâsi tai percors di acès e di esodi e dilunc di ogni altre vie di fughe.