Se par chel che al inten il paisaç il Friûl al pues jessi ricuardât – ad implen – tant che un “piçul compendi dal Univiers”, sul cont de culture al pues jessi paragonât a un complès orchestrâl di tradizions, savês, usancis e lenghis. L’element linguistic, soredut, al è un dai principis di fonde de autonomie de nestre Regjon, che dentri dal propri teritori e ricognòs, in plui de lenghe taliane, la presince di nuie mancul che trê minorancis linguistichis storichis: chê furlane, chê slovene e chê todescje.

Un puest indulà che i diviers sunôrs si dan dongje, si dan la volte e si misclicin par dâ vite a une partidure uniche intal so gjenar, che e cjate propit intal plurilinguisim la sô clâf di violin.

Intal rispiet di cheste diversitât, ancje il sît di Fiera della Musica al à insiorât il propri spartît e si è indotât des traduzions in lenghe furlane e in lenghe slovene.

Di par se, la musiche e je un lengaç universâl, ma se compagnade dai sunôrs de proprie lenghe mari e devente une esperience inmò plui straordenarie.